Nustalgéa

Rumagna t’si luntân! Téra zintila

Téra d’amor! Téra dl’infanzia méa

Sid’banadéta!Me ha so avnu véa

Pr’ha vni a lavuré sta téra ostila!

Coma che la tu vos avrèb sintila

Cun l’aria d’Sant’Albert cl’era la méa

Cun agl’inguèl, cun la salumaréa,

E al taiadél fati d’spoia stila !

Rumagna béla da i filer dal vid

Dal vid pini e carghi d’uva d’óra

Uva bona cl’as matura in te mi sid!

Povar Plaz! Tsi parsunir! T’han se incora

Se c’la Rumagna béla c’l’é e tu nid

C’là sea cl’a Rumagna cl’er’alora!

Romagna sei lontana! Terra gentile
Terra d'amore! Terra della mia infanzia
Tenuta benedetta!Me ne sono andato via
Per venire a lavorare in questa terra ostile

Come vorrei sentire la tua voce
Con l'aria di Sant'Alberto che era la mia
Con le anguille, con la salumeria,
E le tagliatelle fatte di sfoglia sottile !

Romagna bella da i filari delle viti
Dalle viti piene e cariche di uva d'oro
Uva buona che si matura nel mio podere!

Povero Plazzi! Sei prigioniero! Non sai ancora
Se quella Romagna bella che è il tuo nido
Sia quella Romagna che era allora!